Header Ads Widget

YADDA AKE RUBUTUN WAKOKIN HAUSA.

DABARUN RUBUTUN WAKA 
       
                      PART 3.                       

    RUBUTATTUN WAKOKIN HAUSA    

Daga
Nasir G Ahmad


Assalamu alaikum.

A makon jiya mun duba ma'anonin rubutacciyar waka ne, kamar yadda manyan masana suka bayyana. To yau kuma za mu duba:

Wane ne Marubucin Waka?

Marubucin waka, kamar yadda manyan manazarta suka bayyana, yana samuwa ne ta hanyar dayan wasu dalilai uku:

1. Baiwa
Akwai mutanen da shirya waka wata dabi'a ce da Allah ya halicce su da ita. Sukan ji wakar na zuwar musu a duk sa'ad da suka bukace ta, ko sa'ad da duk ta so zuwa musu don kanta. Duk da haka karatu, musamman na nazarin waka kan taimaka wajen kara inganta wannan baiwa tasu.

2. Koyo  
Wasu mutanen kan zamo marubuta waka ne sakamakon zama da mawaka da yin hulda da su, musamman kan abin da ya shafi waka. Ta haka yau da gobe sukan lakanci dabarun rubuta wakar a aiwace, har ta kai wata rana su ma su fara rubuta nasu wakokin, ko su zamo manyar masu ba da shawara kan abin da ya shafi waka.


3. Larurar Rayuwa
Wasu mutanen kuma kan fara rubuta waka ne sakamakon wata larurar rayuwa da ta same su, mai dadi ko marar dadi, al'amarin da kan sa matsanancin halin farin ciki da murna, ko bakin ciki da damuwa da suka samu kansu a ciki, ya kai su ga rubuta waka kan wannan al'amari. Wasu daga nan sukan zarce da rubuta wakoki kan sauran al'amuran rayuwa, har su wayi gari cikin manyar mawaka.
Wallahu a'alamu.

Daga   

Tsangayar da ta himmatu wajen kulawa da killacewa da taskace abubuwan da suka shafi adabi da zamantakewar al'ummar hausawa.

  Daga naku  
musa s Zage


2 Comments

  1. Enter your comment...inaso na fara Waka sakamakon iyayena Basu da halin biyamin karatu na

    ReplyDelete
    Replies
    1. Ina so na siga saboda abubuwa dayewa suna damuna akan kabilata da kuma alumar Africa baki daya

      Delete

Post a Comment

Previous Post Next Post